شاهد بالفيديو اغنية ناس بترقص وناس بتموت ل كايروكي
احدث اغاني فريق كايروكي، أغنية “ناس بترقص و ناس بتموت”، من كلمات امير عيد، وغناء والحان وتوزيع فرقه كايروكي،وقد خرج كايروكي عن صمته ليعبر بكلماته الجريئة عن حالة “اللخبطة” السياسية التي تمر بها البلاد في الفترة الحالية، مستنكرا قيام قوات الداخلية والجيش بفتح شلال الدم في مصر، وقتل الشباب المصري، في حين يقيم حفلات الرقص والاغاني على اشلاء الشهداء، كما اعترضت الاغنية على ظهور جيل العواجيز الذي كان واضحا في الاستفتاء الاخير على دستور الخمسين،
كلمات الاغنية
الحقيقة واضحة وضوح الشمس
لكن ممنوع الاقتراب أو اللمس
كلمة الحق في الزمان ده انتحار
لو قلتها تبقى ماشي عكس المسار
عندي بدل الأمارة ألف أمارة
مالكوم اكس و غاندي و تشي جيفارا
ماتو بالرصاص عشان حسوا بالناس
ال ايه كانو عايزين العدل يكون اساس
جرب تقول حرية او عدالة اجتماعة
جرب تقول مساواة او كرامة انسانية
جرب تقول حقوق انسان او تعارض النظام
اوعي تفكر تفكيرك خط احمر
اخرك هتقدر تاخد عيش
عشان يسكتوك مش عشان تعيش
و لو صممت تمشى عكس الناس
الأجابة هتكون بالرصاص
ناس بترقص و ناس بتموت
و أعلى صوت فى الحفلة صوت السكوت
الجهل وحش و من صناعة الأنظمة
سلاح بينفع فى كل الأزمنة
أدى الناس سمكة هيكلوا يوم
علم الناس الصيد هيكلوا كل يوم
العلم نور و النور علينا مش بيعدى
عايشين فى ضلمة والضلمة ياما بتخبى
قتل , حبس , دم , فساد و ظلم
أغتصاب لأى حلم عايشين فى سجن
و مع الوقت كل حاجة بتعدى
أكل العيش صعب بيخلى العقل يصدى
و الخوف ساكن قلوب الناس
و بيقتل جواهم الأحساس
يا اهالينا ده المستقبل لينا
متبقوش انتوا والزمن علينا
جيلكم ساكت ولا عمره اتكلم
دلوقتي جي ينظر ويعلم
ان الاوان الراية تتسلم
ناس بترقص و ناس بتموت
و أعلى صوت فى الحفلة صوت السكوت
ناس بترقص و ناس بتموت
و أعلى صوت فى الحفلة صوت السكوت
محول الاكوادإخفاء الابتساماتإخفاء ركن الاسئلنة