اغنية والله لنكيف ل شادي البوريني بالفيديو مع الكلمات

اغنية رائعه حملت شعار "والله لنكيف"،عبر من خلالها بفكاهة وسخرية عن الواقع الاجتماعي، والاقتصادي، والسياسي الذي نعيش ، وتحدثت عن الاحلام بانتهاء الانقسام وانتشار الحريات، وحل العديد من المشاكل الاجتماعية، كغلاء المهور، والمدراس، وغيره
كلمات اغنية والله لنكيف
تخيلو معي
الموظف عندو عمارة _ وباب العمارة سيارة _ وما يحمل هم السيجارة

والله لنكيف
وفجأة بياع الدكان _ يكتب للعالم اعلان _ بشيكل باكيت الدخان
والله لنكيف
وتزيد الحكومة الراتب _ وتخفض حجم الضرايب _ ونبطل نشتم ونعاتب
والله لنكيف
ويصير الغاز ببلاش _ وللدكانة ندفع كاش _ وكيلو اللحمة باربعطاش
والله لنكيف
الصبايا تنسى البرمودا _ ولبس الفيزونات السودا _ ويعملو الجزر مع صودا
والله لنكيف
ويبطل الشب يشاغب _ ويعمل بالموضة العجايب _ ويحب المدرسة الطالب
والله لنكيف
يبطل عنا مطبات _ وينزل حق السيارات _ ونمشي حسب الاشارات
والله لنكيف
نرمي النفاية بالسلة _ ونبطل المواس نعلي _ وكل الناس تصير تصلي
والله لنكيف
ننسى لبضاعة الصينة _ ونكتب ع قاع الصنية _ صناعة فلسطينية
والله لنكيف
فجاة نصبح دولة كبيرة _ ونرمي كل ثياب العيرة _ وندعم الدول الفقيرة
والله لنكيف
لما نزهق لعزوبية _ نروح ونتزوج دغرية _ وما تعنس ولا صبية
والله لنكيف
ونطلع لاعب فطبول _ فلسطيني واصلو من عجول _ ويسجل في البرشا جول
والله لنكيف
وتصير ابلاش المية _ والكهربا مجانية _ ونزهق من الرفاهية
والله لنكيف
نبطل نزمر في الشارع _ على النازل وع الطالع _ونحاشر بعض وندافع
والله لنكيف
نبطل نكتب ع الحيطان _ من هنا مر ابو فلان _ ونخلي الحطة الوان
والله لنكيف
والخريج الكان يخابط _ يقلب وضعو ويصبح زابط _ ويبطل عنا وسايط
والله لنكيف
والغزاوي يزور الضفة _ والضفاوي بغزة يصفي _ ويعمل على البحر لفة
والله لنكيف
نمشي بمنهاج الحرية _ ودرب الوحدة الوطنية _ ونتكاتف بسم القضية
ويتغير كل الاعلام _ وع الاقصى ترفرف لعلام _ ويصيرو الحكام زلام
والله لنكيف
ليش نطول بالتحليل _ او ندخل بالمستحيل
لو اصلا فش اسرائيل ..
والله لنكيف
لا لتلوموني شو بتكلم _ قلبي ع بلادي بتالم
وانا للأسف قاعد بحلم
بطلنا نكيف
بطلنا نكيف
بطلنا نكيف

للمزيد من الاغاني
اضغط هنا

اغنية والله لنكيف ل شادي البوريني بالفيديو مع الكلمات

اغنية والله لنكيف ل شادي البوريني بالفيديو مع الكلمات

مواضيع ذات صلة